Welcome Australia

 

Soo ez isches los gange. Ich go uf australie un bsuech det für 12wuche e sprochschuel um mis englisch z’verbessere.

 

Am fritig 11.04.14 bini am obig am 22:15 mit de Boeing 777 vo Zürich abgfloge richtig Dubai. In Dubai ahcho, hani mi zerst möse zrechtfinde i dem flughafe, do ich mis gepäck nöd ha möse entgägä ne. Noch 4h langem warte isches wiiter gage mitem A380 richtig Brisbane. 13h Flug isch sehr lang und au es bizzeli müehsam ;)

 

In Brisbane acho, hani zerst möse dur pass und Zollkontrolle und den hani endlich min koffer chöne entgägä ne. Nochher hani scho gli wieder icheckt, füren inland flug. Dodezue hani möse de flugehafe wechsle, vom international zum domestic. Dusse isch sehr schwül gsi und es het liecht gregnet. Noch dem i icheckt han, hani erfahre das de flug cancelled isch weg emene Wirbelsturm in Proserpine. Da isch für mi en rechte rückschlag gsi do i am nöchste morge id schuel het sölle. I ha den so guet wies gang isch mi probiert zinfomiere und so. Mis englisch isch würkli scheisse ;)

 

Noch paarmol hin und her vowege das flugticket nöd chönd ersetze und so, hani hei aglüte. Die schwiiz isch den gad sunntigmorgä am 3:00 gsi. Schlussendlich hani halt e neus ticket kauft für de nöchsti morge und ha imene hotel in Brisbane übernachtet. Am nöchste morge woni icheckt han, hani erfahre das de flug uf de spoti nomitag verschobe worde isch. Also hani halt de ganz tag i dem chline flughafe gwartet. Am obig hani entli chöne flüge und bi sicher in Proserpine acho. Döt bini vo mim gastvater abgholt worde. Nochere halb stund autofahrt, bini im neue dihei in airlie beach acho. Döt hani als erst e mega feins znacht becho :D

 

I ha e mega liebi gastfamilie, sie hend zwei boxerhünd jesse und chloe. I ha mi recht schnell, guet iiglebt. Am nöchste morge bini id schuel. Döt hani zerst paar tests müese mache, zum luege i weli klass dasi chum. I ha e tolli klass und es macht mega spass die schuel. Isch viel luschtiger und spannender als die schwiiz ;)

 

Kommentar schreiben

Kommentare: 0