Landscape

Am erste Mai wuchenend hani mit es paar Studente vo minere Schuel ä tour mit Ocean Rafting gmacht. Mir sind a zwei ort go schnorchle und am schluss no an Whitehaven Beach. S'wetter und wasser isch tioptop gsi und mir het e klari sicht gha underwasser. De Whitehaven Beach isch en wiise Sandstrand. Wemo druf gloffe isch häts quitscht... xD

Für mi isch da eine vode schöneste ort uf de welt. Es isch mega schön und life isches nomol e stuck schöner wie uf de fotene :)

Am fritig nomi hemmer amel en usflug mit de schuel. Letschti simmer im regewald go laufe und aschlüssend hend es paar vo üs no BBQ am Strand gmacht. Do sind grill öffentlich und für alli zuegänglich. Mir hend so au üse spass gha. Am obig chamo amel no de schön sunneundergang gnüsse :)

Am sunntig 11. Mai bini uf Daydream Island. Da isch e ganz e chlini Insle. Es isch aber mega schön dete. Döt hani e paar verschiedeni tier gseh woni vorher no nie gseh han. Es het en regewald uf de insle, känguru, schmetterling, echse, teich mit fisch usw. Es isch eimol meh wieder wunderschön gsi :))

Kommentar schreiben

Kommentare: 0