Sydney

Vom 22.05.-27.05.14 bini in Sydney gsi mit zwei andere Studente.

Mir sind am Mittag mit em Flugzüg guet ahcho und hend üses Hotel ide Kings Cross bezoge. Und nei es isch nöd gföhrlich wie alli immer seget. Mir hend ruhigi 5 Nächt gha und nie problem. Noch dem mir s'hotel bezoge gha hend, sind mir go die gross Stadt erkunde. Es isch überwältigend gsi, ha mi gad achli verliebt i die Stadt. xD

Die alte Gebäude zämmä mit de neue und em wunderschöne botanische Garte.

 

Am nöchste morgä simmer unfreiwillig gweckt worde. De Füüralarm im Hotel isch losgange und d'füürwehr isch cho. Aber es isch nüt würkli schlimms gsi.

Nochher hemmer zmörgälät und hend üs uf de weg gmacht und de typisch rot touri-bus gsuecht. Für $40 hesch de ganz tag chöne umefahre und döt usstiege wot hesch wele. So hemmer d'stadt achli kenne glernt. Isch no interessant und schön gsi.

Am Samstig simmer zu de Blue Mountains. Es isch nöd gad so überweltigend gsi oder dasi sege mösst i mue döt nomel here. Aber hauptsach i bi mol döt gsi. ;)

Am nomittag womo zrugg gfahre sind richtig Wild Life Park, simmer no amene bush-brand verbi gfahre...

De Wild Life Park isch chli gsi aber no cool.

Zum abschluss simmer mit em Schiff zrugg uf Sydney. Do gad Vivid in Sydney gsi isch, hemmer da ganze guet chöne vom Schiff us aluege. Es isch atemberaubend schön gsi. Vom Schiff us hetmo die best ussicht uf alles gha.

Am Mentig hemmer en trip zum Taronga Zoo buechet gha. Döt isch de Skysafari Cable Car inklusive gsi. Mir sind natürlich mega gspanne druf gsi, wa da cools isch de Skysafari Cable Car. Als mir döt ahcho sind simmer entüscht worde. Es isch nur e Gondeli gsi wo üs uf de Hügel ue brocht het wo de Zoo isch. Aber d'ussicht uf Sydney isch mega schön gsi und i beniide gad achli d'tier wo dete sind. Io da wers den au scho wieder gsi vo Sydney. Am nöchste morgä früeh simmer wieder zrugg gfloge uf Airlie Beach.

Kommentar schreiben

Kommentare: 0